Liverpool tan Konate inlan

Pound maktaduai 36 man Ibrahima Konate chuan Liverpool a pan hnua a match hmasa ber chu pre-season friendly match-ah a khel a, Stuttgart nena an inkhelah a inlan.

Liverpool hian Aus-tria-ah pre-season an hmang mek a, Austrian second division club Wacker Innsbruck leh Bundesliga club Stuttgart te chu minute 30 ve ve an inkhelhpui a, 1-1 ve vein an inhnehtawkpui.

Wacker lakah Liverpool tan West Ham nena sawizawm Divock Origi chuan penalty aṭangin inkhela goal awmchhun a khung a, Sadio Mane chuan Stuttgart lakah a khung thung.

Kum 22 mi Konate chuan, "Ka tan chuan hriatreng tawh tur a ni," tiin Stuttgart nena an inkhel chungchang a sawi.