Olympic : Boxing (mipa) a medal late (Middleweight, Light heavyweight, Heavyweight, Super heavyweight)

Tokyo Olympic-ah boxing mipa inlena category pariat - Flyweight, Featherweight, Lightweight, Welterweight, Middleweight, Light heavyweight, Heavyweight leh Super heavyweight te a awm. Nimin chhuakah Flyweight, Featherweight, Lightweight leh Welterweight category-a Olympic medal la tawhte pholan a ni a, vawiin lamah Middleweight, Light heavyweight, Heavyweight leh Super heavyweight-a medal late phochhuah ve leh an ni ang.

Boxing inelnaah hian category pali Light flyweight, Bantamweight, Light welterweight leh Light middleweight te chu telh ṭhin ni mah se tun ṭumah hian an tel tawn lo. Light middleweight hi 2000 Sydney thleng khan neih a ni a, champion hnuhnung ber chu Kazakhstan boxer Yermakhan Ibraimov a ni. Inelna dang Light flyweight, Bantamweight leh Light welterweight te hi Rio Olympic thleng neih a ni thung.

Olympic boxing-ah hian Félix Savon (Cuba), Teofilo Stevenson (Cuba) leh Lászlo Papp (Hungary) ten vawi thum ṭheuh gold medal an la a, medal pathum la thei hrim hrim hi boxer pakua an awm a ni.

Olympic : Boxing (hmeichhia) a medal late

Tokyo Olympic-ah hian hmeichhe boxing inelna Flyweight, Featherweight, Lightweight, Welterweight leh Middleweight te a awm dawn. Featherweight leh Welterweight category te hi a vawi khat awmna tur a ni.