Tokyo Olympic 2020 an ṭan ta

Olympic 2020 chu nimin aṭang khan Tokyo-ah khelh ṭan a ni a, opening ceremony erawh July 23, Zirtawpni tlai dar 4:30-ah ṭan a ni ang.

Inelna ṭan hmain infiamna ṭhenkhat hi khelh ṭan tawh ṭhin a ni a, nimin hian hmeichhe football leh softball khelh ṭan a ni.

Hmeichhe football-ah hian team 12 an tel a, group pathumah ṭhen an ni. Group tin aṭangin a sang pahnih ṭheuh bakah pathumna ti ṭha pahnih ten quarterfinal an lut ang.

Mipa inelnaah team 16 an awm thung a, a sang pahnih ṭheuh hian quarterfinal an lut dawn Mipa football hi group A aṭanga group D-ah ṭhen hran an ni a, hmeichhe football hi group E aṭanga group G a ni thung. Hmeichhe football hian mipa football lam group hi an chhiar chhunzawm.