Mizoram Police-in semifinal thleng

66th BN Mullik Memorial All India Police Football Championship-ah Mizoram Police chuan nimin khan Maharashtra chu 2-1 a hnehin semifinal an lut.

Vawiin hian Punjab Police nen final khel tur an zawng ang a, champion zawnna chu February 11-ah neih tur a ni.

Nimin inkhelah Mizoram Police tan Lalrinchhana (Itana) leh F. Lalrinpuia ten goal an khung. Coach Lalbiaksanga Colney kaihhruai team hian tun inelnaa a vawi khat nan Maharashtra lakah goal an chhuah avangin first half-ah 1-1 a ni a, second half-ah Republic Veng tlangval Valpuia'n chakna goal a khung a ni.

Semifinal-a Mizoram Police hmachhawn tur Punjab Police hian semifinal lut turin CRPF chu 2-0 in an hneh a. Punjab hi Mizoram beiseina titawp thei tur khawpin an ṭha a; Mizoram hi All India Police Meet-ah an la champion ngai lo.