India aiawh tur Thluamuanpuia leh Fakzuala

18th Asian Games Invitation Tournament chu February 10-14 chhung hian Jakarta, Indonesia-ah neih a ni dawn a, he hunah hian Mizo tlangval Taekwondo khel thiam Lalthlamuanpuia leh Lalfakzuala te chu India aiawh tur zingah an tel.

Thlamuanpuia leh Fakzuala te hian nikum khan National Senior Taekwondo Poomsae Cham­pionship, Jammu-ah gold medal lain Asian Games lo awm tur atana India Camp zawm turin koh an ni.

Thla khat chhung India coach Korean Master Wan Yang Lee leh Master Trilok Subbha kaihhruaina hnuaiah an awm a. Group poomsae khel turin selection an paltlang; poomsae khel tur pakua thlan niin Kyorugi khel tur 16 an thlang.

Thlamuanpuia hian state chhung­ah medal 34 la tawhin Mizoram pawnah gold pali, silver pathum leh bronze pahnih a hlawh chhuak tawh a, international ah gold pahnih a la tawh bawk.

Lalfakzuala hian state chhungah medal 27 a la tawh a, Mizoram pawnah gold pakhat leh silver pathum lain, international gold medal pakhat a pet chhuak tawh thung a ni.