Lyon-in quarterfinal lut

Nabil Fekir-a penalty chhuih luh hmangin Lyon chuan Montpellier 2-1 in an hneh a, kum 2012 hnua a vawi khat nan French Cup quarterfinal an lut ve leh ta.

Nilaini zan inkhekah Lyon coach Bruno Gene­sio chuan kartawpa Monaco hneh lotu aṭang­in player panga a siksawi a, a ti sual lo. Minute 13-naah Maxwel Cornet hmangin hma an hruai a, Montpellier hian Paul Lasne hmangin sut mah se tun hnaia khel ṭha tak Fekir-a'n chakna goal a khung.

Lyon hian 2012 khan a vawi nga nan French Cup nomawi hi an chawi a, hemi hnuah an thleng sang leh tawh ngai lo a ni. Nilaini zan inkhel dangah Caen chuan Ligue 1 mawngphaha awm Metz chu penalty hmangin an hneh a, third division club Chambly pawhin fourth division club Granville an hneh bawk.

Paris Saint-Germain leh Marseille te chuan Thawhlehni zan khan last 16 an paltlang tawh bawk a, nizan khan match khat dang khelh leh a ni bawk a, he thu buatsaih lai hian result kan hre hman lo.