NECS Cup 2018 BVT, Chanmari leh Saitual an chak

Nimin khan Lammualah NECS Cup 2018 khelh chhunzawm a ni a, Mizoram Premier League club nei veng Chanmari leh Bethlehem Vengthlang bakah, Aizawl khaw pawn team Saitual ten an khingpui ṭheuh an hneh.

Aizawl District FA buatsaih khua/veng inelnaah hian team 74 an inziak lut a, nimin thleng khan match kua khelh ni tawhin goal 42 a lut tawh a, match tinah goal li chuang lut ziah ang a ni.

All India Football Federation program vangin February 12-a inkhel turte chu vawiin hian Lammualah khelh a ni dawn a, match pathum a awm ang. Ruahmanna thar ang chuan February 14 bika inkhel turte pawh an inkhelh hun hi ni khatin sawn hma sak an ni bawk.