BFI Panel A referee-ah Mizo

Basketball Federation of India chuan referee's examination result tichhuakin Lalhmunsiama Ralte chu Panel A referee-ah a tling a, ZD Denghmingliana chu Panel B referee-ah a tling bawk.

Republic Veng tlangval Siama hi Mizo zinga Panel A referee hmasa ber a ni a, tun ṭuma a tlinna hi BFI hnuaia level sang ber a ni. Panel A referee ni tur hian National Championship-ah vawi nga tal ham a ngai a, nikum October thla khan Didwana, Rajasthan-ah training leh exam hi an nei.

Kanan Veng tlangval Puitea hi Mizo zinga Panel B referee ni thei 11-na a ni a. MBBA hnuaia referee pahnih hian Mizoram chhunga basketball inelna sang ber Mizoram Super League-ah season tinin match kaihhruai turin an la inlan vek a ni.