Winter Olympic vawi 23-na an hawng ta

Ni 17 awh tur, inelna chi hrang 15, medal 102 awmna leh Winter Olympic awm tawh zinga vawt ber tura ngaih XXIII Olympic Winter Games chu nimin tlai khan Pyeongchang Olympic Stadium-ah opening ceremony ropui takin neih a ni a, South Korea president Moon Jae-in a hawng a ni.

Inelna thlengtu South Korea leh North Korea te chu hnam puanzar pakhat hnuaiah an kal dun a, Korea ram pahnih hian hmeichhe ice hockey team an inṭawm zui ang. Russian infiammi 169 zet chu ram behchhah nei loin an inlan dawn a, India aiawhin athlete pahnih Shiva Keshavan leh Jagdish Singh te an inlan ve bawk ang.