Chhanhima'n Minerva champion pui

India rama kum 15 hnuai lam inelna Nike Premier Cup-ah Minerva Punjab an champion a, final-ah DSK Shivajians chu 4-0 in an sawp–Punjab club tana player langsar chu Mizo rawlthar Lalchhanhima Sailo a ni.

A zawna a vawi thum nana Nike Premier Cup nomawi chawitu Minerva tan Chhanhima hian minute 14-naah mawi zetin goal ropui a khung a, minute 68-naa captain Moirangthem Thoiba Singh-a'n a goal hnihna a khung chu Chhanhima penalty hlawhchhuah a ni bawk.

Minerva tan Chhana leh Thoiba bakah hian Hemam Bijio Singh chuan goal khat a khung. DSK tan Mizo rawlthar John Lalfamkima chuan chance nei ve bawk mah se goal erawh a knung thei lo.

Mizo club Aizawl FC chuan semifinal an lut a, mah se champion Minerva hian semifinal aṭangin an hnawt chhuak.