Mizoramin medal pathum nen hun khar

Khelo India School Games 2018 chu February 8 khan kharna neih a ni a, Mizoram chuan medal pathum an la a, a pumpuia champion Haryana chuan gold medal 38 an la thung.

Mizoram hian mipa football huangah gold medal an la a; Zonunsangi chuan Judo (48kg)-ah bronze lain, Lalhriatpuii pawhin boxing (54-57kg) inelnaah bronze a la bawk.

Kumin Khelo School Games-ah hian Mizoram State Sports Council kaihhruaiin infiammi 43 leh official 12 an kal a, inelna chi hrang pangaah an inlan–state leh UT 30 inlan zingah Mizoram hi 25-na an ni.

Inelna pumpuiah Maharsatra chuan medal 111 lain, medal la hnem ber an ni. Mahse, Maharashtra hian Haryana aiin gold pahnihin an lak tlem zawk avangin pahnihna an ni.

Maharashtra tan hian Mizo weightlifter Jeremy Lalrinnunga (gold), Zakhuma (silver) leh Jacob Vanlaltluanga (silver) te chuan medal an hlawh chhuak bawk.