Ivory Coast tan Milan star

Yokohama-ah Ivory Coast-in nimin khan Saudi Arabia 2-1 in an hneh hram a, chakna goal khungtu hi AC Milan midfielder Franck Kessie a ni.

Elephants (Ivory Coast) hian Saudi Arabia lakah inkhel an thunun lo a, Asian team hian ball an chang tam zawk a, inkhel an thunun zawk.

African team an vannei a, Abdulelah Alamri-a'n an lama a tihluh hmangin hma an hruai. Amaherawhchu Saudi lamin minute 44-naah an phu angin Salem Aldawsari hmangin siphurh an sut a, goal khungtu hi Villarreal tan pawh a khel tawh a ni.

Second half-ah erawh tawnhriat ngah Ivory Coast an ding chang a, Manchester United midfielder Amad Diallo ball pass chu Kessie-a'n box chhungah vir puiin minute 66-naah chakna goal a khung. Elephants tan hian Man United defender Eric Bailly-a'n captain a hreng.