Egypt-in Spain an chelh

Tokyo 2020-a mipa football match hmasa berah gold medal la tura rinkai zinga mi Spain leh Egypt te Sapporo-ah an inhmachhawn a, 0-0 in an inhnehtawk.

La Roja hian Euro 2020-a player langsar Pedri bakah Dani Olmo leh Mikel Oyarzabal te tlarhmaah an awm a, tlarhnungah keeper Unai Simon awmin defence laiah Pau Torres leh Eric Garcia te an inkawp.

Spain player dang pawh hi Real Madrid midfielder Marco Asensio leh Dani Ceballos te an ni a, season liam ta Arsenal-a loan hmanga khel Ceballos hi captain a ni.

Pharaohs erawhin an khingpui an hrechiang goal venhim an thlang a, tlarhnung an ti phui ṭha hle. La Roja hian 62% zet ball an chang a, inkhel an thunun mah se goal an khung thei lo.

Egypt tan goalkeeper Mohamed El Shenawy leh captain Ahmed Hegaz te an khel ṭha a, an tum a hlawhtling. Pharaohs hi group C-ah Spain, Argentina leh Australia te nen an awm ho a, pahnihin quarterfinal an lut dawn.