New Zealand an chak

New Zealand-in Olympic football-ah a vawi khat nan hnehna an chang a, nimin khan Kashima-ah South Korea 1-0 in an hneh. Goal awmchhhun hi Chris Wood-a khung a ni.

Kum 29 mi Wood hi Leeds United player hlui a ni a, Premier League club Burnley tan a khel mek. Wood hian ram tan match 57-ah goal 25 a khung a, October 2017 hnua a vawi khat nan goal a khung.

New Zealand tan chuan Wood hi legend a ni a, Premier League khel pha a nih tlat avangin an player neih zinga ropui ber ang hiala ngaih theih a ni. All Whites hi group B-ah Honduras, Romania leh South Korea te nen an awm a, an match hmasa bera hnehna an chan avangin quarterfinal thlen an beisei ang.