Best Challenger Trophy dawngtu Dinsanga

24th July, 2021

Youth National Championships vawi lina chu July 18-23 chhung khan Boxing Federation of India (BFI) kaihhruainain Delhi Public School (DPS), Sonepat, Haryana-ah neih a ni.

Mizoram aṭangin mipa boxer panga leh hmeichhe boxer pali an tel a, Lunglei rawlthar Laldinsanga (54 kg) chuan silver medal a la a, nimin final-ah Services boxer Victor-a lakah 3-2 in a vanduai.

Lunglei rawlthar Dinsanga hian Best Challenger Trophy a dawng. Hmeichhe lamah Mamit tleirawl Ruthi Lalhmingṭhai (54kg) leh Aizawl tleirawl Naom Chingsannuami (57 kg) ten bronze medal an la bawk.

Mizoram team hi coach Andrew Zonunsanga leh B. Lalhriatpuii ten an hruai a ni.