Fimkhur a ngai - Manpreet Singh

India mipa hockey team captain Manpreet Singh chuan an match hmasa ber aṭanga an fimkhur a ngaih thu a sawi. India hian tukin dar 6:30 hian an match hmasa ber atan New Zealand an hmachhawn ang.

World number 4 India hi quarterfinal lut tura rinkai zinga mi an ni. Mahse, champion lai Argentina bakah team ṭha leh number 1 ni bawk Australia leh Spain te nen an awmkhawm, a nem deuh tura ngaih Japan pawh a thlengtu an nih avangin a awlsam

lo ang.

India captain Manpreet chuan, "Kan khingpui tur hian kan ṭhat loh rukna lai uluk takin an zing ngei ang tih a chiang, kan chak lohna lai an hriatah min bei dawn, chuvangin engkimah kan fimkhur a ngai dawn.

"Tun hnaia kan result neih dan chhut chuan beisei pawh kan nei sang ve hle. Mahse chet fuh loh chuan group stage paltlang ringawt pawh a awlsam dawn lo, a pawimawh ber chu a tir aṭanga fimkhur a ni," a ti.

Kum 29 mi Manpreet hi London leh Rio Olympic-ah khan ram tan a lo feh chhuak tawh, medal erawh an la hlawh chhuak lo. A tawnhriat neih ṭhat hi team tan a ṭangkai dawn.