Boca Juniors player-te thubuai siamsak

Argentine club ṭha Boca Juniors player leh official parukte chu Copa Libertadores-a Atletico Mineiro an ngam loh hnua buaina an siam avangin Brazilian Police-ten thubuai an siamsak.

Boca Junirors hi Copa Libertadores last 16 match-ah Atletico Mineiro nen an intawng a, vawi hnih inkhelhah goal a lut lo - penalty hmanga chak zawk zawn niin Brazilian club Mineiro hi an tlang.

Mineiro khelmuala an tlawm zawhah Boca player leh official-te an lungawi lo a, dressing room leh a panna lamah buaina an siam zui - an buai chhan tak hi Boca-in first leg leh second leg-a goal an khung chu video assistant referee (VAR) hmanga pawm a nih loh vang a ni ber.

Police thuchhuah chuan Boca team zinga mi pahnih chu bungrua tihchhiat avanga thubuai an siamsak thu an sawi a, £421 (Rs. 43,035) ve ve chawitir an nih hnuah chhuah an ni.

Argentine club mi leh sa dang pali chu thuneitute mawi lo taka an ṭawng khum avang leh midang ti na zawnga an chet avangin thubuai siamsak an ni a, mahse, thuneitute hmaa inlan tura tih an nih huna inlan an intiam avangin chhuah lailawk an ni.

Atletico chuan thuchhuah siamin Argentine club mi leh sa te hian sum an lo ken tam tawk loh avangin an club President chuan ama sumin a tlan chhuak a, "Rang takin sum erawh an rul leh a ni," an ti.