Australia lakah India chak lo

India leh Australia ten Tokyo Olympic mipa hockey an match hmasa berah hnehna an chang ve ve a, ram pahnih hi nimin tlai khan inhmachhawn zui lehin India hi 7-1 in an tlawm.

Inrinni zing khan India hian an match hmasa ber atan New Zealand an hmachhawn a, 3-2 in an hneh. World number 4 hian beisei nei sang chhunzawm viau mah se nimina an hmachhawn world number 1 lakah erawh tih theih an nei lo.

India hi Group A-ah awmin, group match atan - Spain, Argentina leh a thlengtu Japan te an la hmachhawn leh ang. Group pakhat aṭangin team pali an tlang dawn avangin quarterfinal luh beiseina a la sang.