Third round-ah Manika Batra a lut

Tokyo Olympic 2020 neih meka hmeichhe Table Tennis huangah Manika Batra chuan third round a lut. Nimin khan Manika hian Ukraine nula Margaryta Pesotska chu 4-3 in a hneh.

Player pahnih an inkhel tawk hle, game hmasa pahnihah India nula che fuh lo zawk mah se minute 57 an inkhelh hnuah 4-11, 4-11, 11-7, 12-10, 8-11, 11-5, 11-7 in hnehna a chang.

Kum 26 mi Manika hian a match hmasa zawkah Great Britain player Tin-Tin Ho chu 4-0 in a lo hneh tawh bawk a, third round-ah chuan Austria nula Sofia Polcanova nen an intum leh ang.

India mipa singles player Sharath Kamal chu first round-ah a bye a, vawiin hian second round match atan Portugal tlangval Tiago Apolonia nen an inkhel dawn a ni.