India an chak lo

Zirtawpni zan khan India-in ODI match hnung berah Sri Lanka wicket thumin an hneh lo. Men in Blue hian match hmasa pahnihah hnehna an chan avangin series erawh 2-1 in an la tho.

R. Premadasa Stadium-a inkhelah India-in bat hmasak an thlang a, ruahsur vangin over 47 chauh khelh a ni. Men in Blue hian run 225 an siam a, over 43.1-ah an thi vek a, Sri Lanka bowler Akila Dananjaya (44/3) leh Praveen Jayawickrama (59/3) ten wicket thum ve ve an la.

Lions tan opener Avishka Fernando-a‘n 76 runs a vaw chhuak a, Bhanuka Rajapaksa-a‘n 65 run a siam bawk avangin over 39 lekah run 227 siamin target hi an umpha a ni.

India leh Sri Lanka hian nizan aṭang khan T20 an khel leh ṭan a, match thum khelh tur niin match hnihna hi July 27, Thawhlehni zan dar 8:00-ah khelh a ni ang.