Spurs-in Atalanta keeper lalut

Tottenham chuan Nuno Espirito Santo enkawlna hnuaia an player lakluh hmasak ber ni turin Atalanta keeper Pierluigi Gollini chu season khat chhung atan loan-in an hawh a, season tawpah an duh chuan pound maktaduai 12.9-in an lei thei ang.

Kum 26 mi keeper hian Serie A club Hellas Verona aṭanga a career ṭanin kum 2016 khan Aston Villa a zawm a, Championship-ah season khat hun a hman hnuin Atalanta-ah season hnih chhung loan-a chhuahtir a ni.

Serie A club hi 2018 khan a nghetin a zawm a, Italian club tan a ngheta a khelh hnuah season thum chhung first choice keeper a ni a, season hmasa pawh khan match 32 a khel - Spurs tan ani ang player loan-a lakluh theih hi thil lawmawm a ni.