Bayern ṭantuten an club an au el

Bayern Munich-in manager thar Julian Nagelsmann hnuaiah chak hmel an la hmu lo a, Inrinni khan Ajax nen friendly match-ah 2-2 in an inhnehtawk. German champion hian Dutch club an hmachhawn hma hian FC Cologne lakah 3-2 in an chak tawh lo bawk.

Allianz Arena-a inkhelah Ajax-in Zakaria Labyad hmangin minute 10-naah hma an hruai a, Bayern-in Eric Maxim Choupo-Moting (40‘) leh Tanguy Nianzou (48‘) hmangin an lehthal. Dutch club tan Victor Jansen-a‘n minute 50-naah siphurh a sut.

Bavarians manager Nagelsmann chuan, „An au thawm ka lo hria e. Stadium-a thawm nei ring ber an ni a, ka dawhtheih a ṭul. Mi zawng zawng tih lawm theih a ni lo a, theihtawp kan chhuah zel ang,“ tiin a sawi.

Bayern hian July 28, Nilaini zan dar 9:30-ah Borussia Monchengladbach an hmachhawn leh ang.