Gignac-a'n hattrick a siam

France-in nimin khan Olympic football-ah South Africa 4-3 in an hneh a, veteran striker André-Pierre Gignac-a'n hattrick a siam.

Les Bleus-in Olympic-ah beisei an pha lo a, an match hmasa berah Mexico lakah 4-1 ngawtin an chak lo. Nimina Saitama-a inkhelah pawh hian minute 82-naah Teboho Mokoena-a'n South Africa goal thumna a khung a, 3-2 in hma an hruai.

Hun tawp lamah France an vannei a, Gignac-a'n penalty aṭangin minute 86-naah siphurh a sut a, injury time minute thumnaah Les Bleus tan Téji Savanier-a'n chakna goal a khung.

Group A inkhel dangah Japan-in Mexico 2-0 in an hneh a, quarterfinal an lut. France, Mexico leh South Africa ten hmun ruak pakhat an inchuh ang.