Group B an intluk tawk

Olympic Football mipa inelnaah group B-ah New Zealand, Honduras, Romania leh South Korea te an awm a, ram pathum hian vawi hnih ṭheuh an inkhelh hnuah point thum ṭheuh an hmu.

Nimin inkhelah Honduras-in New Zealand 3-2 in an hneh a, hun tawp thlenga theihtawp an chhuah rah an seng. First half-ah 1-1 a nih hnuin New Zealand-in second half ṭantirhah Chris Wood hmangin hma an hruai a, Honduras hian Juan Carlos Obregón Jr.hmanga an sut hnuah Rigoberto Rivas-a'n minute 87-naah chakna goal a khung.

South Korea-in an match hmasa berah New Zealand hneh lo mah se Romania nen an insiamṭha a, 4-0 in hnehna an chang. Asian team tan hian Marius Marin leh Wonsang UM ten goal khat ve ve an khung bakah Lee Kang-in-a'n goal hnih a khung.

Group match hnuhnung berah South Korea leh Honduras te an inkhel dawn a, New Zealand leh Romania te an inkhel dawn. Point thum vek an hmuh avangin quarterfinal lut tur hriatthiam a la har hle.