PSG chakna Neymar

Footballer manto ber Neymar goal khat hmangin Paris St-Germain chuan si khat faiin Toulouse an hneh a, Paris club hian champion lai AS Monaco lakah point 12 zetin hma an hruai fal ta.

Inrinni zan inkhelah PSG winger Angel di Maria-a corner petin crossbar a per a, goal mawi a khung teuh hle. Argentina international hian minute 68-naah Neymar goal khung tur a siamsak zui bawk.

Tun hnai a league match pali aṭanga goal riat khung thei Brazil captain hian goal a khung aṭanga minute hnih chhung lekin a ban leh bar a pet per leh a, mah se a vannei zui tawh lo.

Unai Emery naute hian Nilaini zanah Champions League last 16 first leg an khel zui leh dawn a, champion nomawi kawltu Real Madrid an lenchilh dawn a ni.