Thla nga hnuah Serena rawn kir

World number 1 hlui Serena Williams chu fa neih vanga thla nga zet a chawlh hnuah competitive match a khelh ve leh ta.

Kartawp khan United States leh Netherlands ten Fed Cup an khel a, Williams unau Serena leh Venus ten double match-ah 6-2, 6-3 in hnehna chang zo lo mah se 3-1 a hnehna an chan avangin World Group semifinal an lut a, April 21-22 hian France nen an inkhel leh ang.

Kum 36 mi Serena chuan, "Court chhunga ka rawn let ve leh ta hi ka hlim hle, training ka nei ṭha reng a, chutihrualin a taka inkhelh nen chuan a dang hle. Duhthusam ni lo mah se ṭha taka ka khel thei kha ka lawm hle," tiin a sawi.

Grand Slam vawi 23 champion tawh Serena hian season hmasa Australian Open hnuah tournament a khel ve leh chiah a ni a, beisei anga a khel chho thei a nih chuan French Open-ah chuan a inlan thei tura ngaih a ni.