Sindhu tawpna quarterfinal

PV Sindhu chuan beiseina sang tak nen All England Championship hmachhawn mah se a tum ram a thleng zo lo a, a khingpui Nozomi Okuhara hneh loin quarterfinal-ah a zinkawng a tawp - Indian player zingah erawh a thleng sang ber a ni tho.

Zirtawpni zan inkhelah kum 24 mi Sindhu hi Okuhara nen an inbei tawk hle, darkar khat leh minute riat zet an inkhelh hnuah Japan nula hi 12-21, 21-15, 21-13 in a chak. All England-a an intawn hmain Sindhu hian Okuhara nen an intawn tawhnaah 9-7 in record a nei ṭha zawk a, an intawn hnuhnung 2019 World Championship final-ah a chak bawk avangin tun ṭumah hian rinkai a ni, mahse a vanduai zawkah a ṭang.

Season kal laia Super 1000 tournament hmasa ber hi nizan khan a hmawr bawkna neih a ni a, he thu buatsaih lai hian champion kan hre hman lo.