Kum 13 miin gold la

Japanese naupang Momiji Nishiya chuan women's street skate-boarding-ah gold medal a hlawh chhuak a, kum 13 leh ni 330 mi lek a ni!

Nishiya hnuaiah hian Brazilian naupang Rayssa Leal chuan silver a hlawh chhuak a, kum 13 leh ni 203 mi a ni - gold hlawh chhuak se chuan Olympic chanchina gold hlawh chhuak thei naupang ber record siam thei tur a ni a, a ui khawp ang.

Japanese naupang Nishiya hi a trick hmasa pahnihah chesual mah se a hnu vawi thumah che fuh vekin 15.26 a score a, a hnuai chiaha awm Leal hian 14.64 a score thung.

Japanese tleirawl Funa Nakayama chu pathumna a ni a, kum 16 mi a ni - an pathum kum hi chawhrualin kum 14 leh ni 191 a ni a, Olympic Games-a podium lawn phak chin kum chawhrual la naupan ber ṭum a ni.

Olympic-a champion thei naupang ber record chelh lai chu Marjorie Gestring a ni a, 1936 Berlin Games-ah khan kum 13 leh ni 267 mi niin springboard title a la a, Nishiya ai hian ni 63 lekin a naupang zawk.

Mipa street skate-boarding-ah pawh inelna thlengtu Japan tan Yuto Horigome chuan gold-a hlawh chhuak ve bawk a, skateboarding hi Olympic-a telh a nih vawi khatna a ni.