IPL an khel chhunzawm dawn

India rama cricket inelna ngaihhlut hlawh Indian Premier League 2021 chu September thlaah khelh chhunzawm a ni dawn. Player engemaw zatin coronavirus an kai avangin inelna hi May thla khan inelna hi tihtawp lailawk a ni.

IPL hi September 19 aṭangin United Arab Emirates-ah khelh ṭan a ni leh dawn a, ni 27 chhungin match 31 khelh a ni ang. Inelna hi UAE-a sawn a nih chhan hi India ramah fur hunlai a ni a, ruahsur vanga inkhelh theih loh a hlauhawm avangin hmun dangah khelh a ni dawn.

UAE hian IPL hi hmun thumah an thleng dawn a, Dubai-in match thum, Sharjah-in match 10 leh a bak match riat hi Abu Dhabi-ah khelh a ni ang. Match hmasa berah hian pahnihna ni lai Chennai Super Kings leh Mumbai Indians te an inkhel dawn a, league match hnuhnung ber October 8-a khelh tur niin Royal Challengers Bangalore leh Delhi Capitals te an inhmachhawn dawn.

Board of Control for Cricket in India (BCCI) chuan fixtures hi a tichhuak tawh a, final hi Dubai-ah October 15-ah khelh a ni ang.