Shaqiri-a'n Liverpool chhuahsan a duh

Xherdan Shaqiri chuan Liverpool chhuahsan a, a khelh phakna tur club zawm a duh. Switzerland international hian Serie A pan a hreh lo.

Kum 29 mi Shaqiri chuan, "Liverpool ka hrilh tawh a, chona thar hmachhawn ka duh. Ka thutlukna min pawmsak a, tun nipuiah chuan ka chhuahna tur min dal lo ang. Italy-a let ka duh a, Lazio tana khelh ka châk," tiin English club chhuahsan a duh thu a sawi.

Shaqiri hian an ram club Basel aṭangin bul a ṭan a, Reds tana a khelh hma hian Bayern Munich, Inter Milan leh Stoke City tan a khel tawh. Season liam ta khan league match vawi 14 a khel a, goal khatmah khung lo mah se Euro 2020-a a chet ṭhat avangin duhtu an tam khawp ang.