Baines-a contract thar an zawrh

Premier League club Everton chuan an defender pawimawh Leighton Baines chu season khat dang atan contract an zawrh a, inremna an siam thei a nih chuan Baines hian Toffees tan a hun tawp thleng a hmang dawn tihna a ni ang.

England tana match 30 khel tawh Baines hian 2007 khan Wigan aṭangin pound maktaduai 6-in Everton hi a zawm, match 417 khelhsak tawhin tun thlengin player pawimawh ber zinga mi a la ni.

Tunah chuan Baines hi kum 35 mi a ni tawh, tlarhnunga a awmna ṭhinah  Lucas Digne chu khel ṭha ṭhin viau mah se Carlo Ancelotti-a’n Baines ṭangkaina a hmuh hmaih lo, tun season tawp ruala a contract tawp tur chu pawhseisak a duh.

Italian manager Ance-lotti chuan, “Khelmual chhung bakah a pawn lamah mi ṭangkai a ni a, player naupang zawk tan entawn tlakin a awm a, a tawnhriat neih tawh hi kan tan a ṭangkai hle bawk. Match zawng zawngah a inlan thei tawh lo a nih pawhin a pawimawhna a la nep chuang lo,” a ti.