Terry-a'n Aston Villa a chhuahsan

27th July, 2021

Nimin tlai khan Aston Villa-in thuchhuah an siam a, assistant coach John Terry-a'n club a chhuahsan thu an puang. Chelsea captain hlui Terry kalna tur hi tihchian a ni lo.

Kum 2017 khan Terry hian Villa hi a zawm a, club captain niin match 32-ah a inlan. Hemi hnu hian Terry hian head coach Dean Smith a pui zui nghal.

Dean Smith chuan, "John kan chân hi pawi ka ti a, chutihrualin a thutlukna ka zahsak a, ka hrethiam bawk. Tun hnaia kan club hlawhtlinna kawngah a thawhhlawk em em a ni," tiin a fak.