Thailand Grand Prix awm dawn lo

MotoGP Thailand Grand Prix chu tun season atan a awm dawn lo. Thailand ramah coronavirus a la hluar a, ram pawn lam mi tan zin vei vah a la harsat avangin bike inelna sang ber hi an thleng thei dawn lo a ni.

A tira ruahman dan chuan October 15-17 chhung hian Buriram-ah Thailand GP hi tlan tur a ni a, round 16 tur niin championship boruak san vanglai tak ni thei tura ngaih a ni, mahse hripui vangin a awm thei dawn ta lo.

MotoGP chuan thuchhuah siamin, "Intlansiak hi a tam thei ang ber nei thei ila tih hi duhthusam a ni, mahse kan thunun phak loh harsatna hi a lo thleng ṭhin. Thailand pawhin kumin atan inelna a thleng thei dawn lo," an ti.

Thailand GP thlakna tur hi tihchian a la awm lo a, F1 thuneitu lamin inelna a tam thei ang ber neih an tum avangin hri leng ziaawm deuhna ramah inelna pakhat aia tam an nei leh a nih pawhin a mak lo ang.

Thailand ramah hian hripui kai mi 439,000 chuang an awm tawh, an zinga 3,600 chuang an thi. Tun hnaiah mi 13,002 chuangin hri an kai thar leh tih hmuh chhuah a ni bawk.