Everton tan Gray-a'n goal a khung

Demarai Gray-a'n Everton tana a inlan hmasak berah goal a khung a, nimin zing khan Florida Cup-ah Milonarios an hneh.

Camping World Stadium, Florida-a inkhelah Colombian club Milonarios-in Andres Linas Montejo hmangin minute 19-naah hma an hruai a, Premier League club-in minute 64-naa Gray-a penalty hmangin an sut.

Penalty shootout hmangin chak tur zawn a ṭul a, English club hi 10-9 in an vannei ta zawk. Gray hian pound maktaduai 1.7-in Toffees hi a zawm a, Florida Cup-ah hian player thar Andros Townsend a inlan bawk.

Kum 30 mi Townsend hian free transfer-in Everton hi a zawm a, Rafael Benitez hnuaiah insiamṭhat a tum dawn a ni. Bournemouth goalkeeper hlui Asmir Begovic-a'n penalty a dan bakah chakna goal a khung zui.

Inkhelh banah Benitez chuan, "Tawnhriat nei ṭha tak keeper a ni a, Jordan Pickford-a'n elpui tur ṭha a neih hi a lawmawm hle a ni," tiin a sawi.