India-in Sri Lanka an hneh

Pathianni zan khan India leh Sri Lanka ten T20 match an khel ṭan a, 38 runs-in Men in Blue an chak. T20 hi match thum khelh tur a ni a, zanin dar 8:00 hian match hnihna khelh chhunzawm a ni ang.

R. Premadasa Stadium-a inkhelah ṭhumvawra vannei Sri Lanka-in vawm hmasak an thlang a, India opener Prithvi Shaw chu run siam loin thi mah se captain Shikhar Dhawan-a'n 46 run a vaw chhuak.

India tan Suryakumar Yadav-a'n half century (50) a siam a, Sanju Samson leh Ishan Kishan (20*) te zarah 164/5 run an siam. Sri Lanka bat hun a thleng a, India bowler-te an langsar.

Man of the match-a thlan Indian bowler Bhuvneshwar Kumar-a'n 22 run chauh pein wicket li a la a, Sri Lanka tana run siam tam ber Charith Asalanka-a'n run 44 bak a siam lo a, mualneitu hi over 18.3-ah 126 run siamin an thi vek.