Amit Panghal khingpui tur Yuberjen Martinez
Olympic boxing-a India beisei sanna ber Amit Panghal khingpui tur a hriat ta a, flyweight category-a ranking number 1 hian Colombia boxer Yuberjen Martinez a hmachhawn ang.
Amit Panghal leh Martinez te hi July 31, Inrinni zing dar 7:30-ah an inhnek dawn a, boxing ngaina tan chuan thawh hma ngei a ṭul dawn. Kum 25 mi Amit Panghal ṭhatzia tarlan a ni tawh a, a khingpui tur Martinez hian last 16 lut tur hian nimin khan a khingpui RO Mahommed chu 5-0 in a hneh.
Kokugikan Arena-a inhnekah Martinez-a'n inhnek a thunun a, round tinah judge pangain an chak tir vek. Colombian boxer hi Rio 2016-ah khan light flyweight silver medalist a ni a, final-ah Uzbekistan boxer Hasanboy Dusmatov a hneh lo.
Tokyo 2020-ah hian light flyweight category a awm tawh lo a, hemi a nih avang hian Martinez hi flyweight-ah a tel a ṭul phah. Colombian boxer hian light flyweight bikah sulhnu ṭha tak a nei a, flyweight-ah erawh sulhnu lian tham a la nei lo thung.