Olympic Hmeichhe Football : Vawiinah quarterfinal lut tur a chiang dawn

Olympic hmeichhe football group match chu vawiin hian khelh zawh a ni dawn a, team 12 zing aṭangin Sweden leh Great Britain chiahin quarterfinal an la lut.

Group G
Tlai dar 1:30-ah group E te an inlan dawn. United States leh Australia an inkhel dawn a, Sweden leh New Zealand an inkhel dawn bawk.

United States leh Australia ten hmunruak pakhat an inchuh dawn a, US hian goal difference an neih ṭhat avangin quarterfinal lut turin draw a tawk.

Chutihrualin pathumna zinga ti ṭha pahnihin knockout stage an luh dawn avangin Australia tan pawh beisei tur a la awm. Team pahnih an inhnehtawk erawh chuan New Zealand a tla thung ang.

Group E
Tlai dar 4:30-ah group E a team palite te inkhel dawn a, Great Britain chauhin quarterfinal an la lut. Great Britain-in pahnihnaa awm Canada an hmachhawn dawn a, inelna thlengtu Japan leh Chile te an inkhel dawn thung.

Japan hi inkhel dang result-ah innghat bawk mah se Chile an hneh chuan point li an hmu dawn a, pathumna nichungin quarterfinal an luh theih tho a beiseiawm.

Group F
Tlai dar 5:00-ah group E an inlan dawn a, team paliten beiseina an la nei vek. Netherlands-in China an hmachhawn dawn a, Brazil leh Zambia te an inkhel dawn.

Netherlands leh Brazil te hian point li an hmu tawh a, an goal difference a ṭhat bawk avangin chak lo pawh ni se quarterfinal an luh a rinawm. Chutihrualin Zambia leh China tan chak ngei a ṭul thung.