India Open khel rih dawn lo

Badminton World Federation (BWF) chuan tun hnaia tournament khelh tur hrang hrang chu coronavirus vangin khelh rih loh turin a ti a, inelna neih theih rih loh tur zingah hian India Open pawh a tel.

BWF chuan thuchhuah siamin, "Covid-19 vangin April 12 thleng chu inelna neih theih a ni dawn lo. Hemi chhung hian YONEX Swiss Open 2020, YONEX-SUNRISE India Open 2020, Orleans Masters 2020, CELCOM Axiata Malaysia Open 2020 leh Singapore Open 2020 te a huam," an ti.

Inelna tam tak khelh theih a nih dawn loh avang hian ranking hniam tan invawrh san theihna hun a tlem dawn tihna a ni a, hei hian Olympic qualifier pawh na takin a nghawng ang. BWF chuan, "Inelna hun sawn leh ṭhulhte avangin ranking chungchangah buaina a awm dawn tih chu thil chiang a ni a, hemi chungchangah inkaihhruaina leh ruahmanna chu hun remchangah a hrana puan zar leh a la ni ang," an ti.