Olympic Village-ah Hri kai pali hmu chhuak

Tokyo Olympic 2020 neih laiah Covid-19 kai pali hmuh chhuah thar an ni a, infiamna khawmpui lian neih laiah hian hri kai hmuh chhuah pasarih an awmna chiah a ni - inelna buatsaihtu lam chuan hri kai thar zinga pahnih hi infiammi an nih thu an sawi.

Japan rama infiammi kal khawmte hi Olympic Village-ah an awm khawm, infiammi bakah an mahni buaipuitute nen mi 15520 vel lai an awm khawm. Inelna neih ṭan hma khan mi pathumin hri an kai tih hmuh chhuah a lo ni tawh bawk.

Hri kaite hming hi tarlan a ni lo. Mahse, Czech Republic, USA, Chile, South Africa leh Netherlands ram mi an ni tih erawh a hriat thung. Tun hnai khan Dutch tennis player Jean-Julien Roger chu hri a kai avang hian a lo inhukdawk tawh a ni.