Turin-ah Ronaldo a kir

Cristiano Ronaldo chu Juventus tana khel chhunzawm zel turin Turin khawpuiah a kir leh tawh a, season tharah pawh Portuguese forward hian Old Lady jersey a ha chhunzawm ngei dawn niin a lang ta.

Ronaldo hian Euro-pean Championship a khel a, hei vang hian club training a zawm tlai. Ani bakah hian Euro khel player dang Dejan Kulusevski, Matthijs De Ligt, Aaron Ramsey leh Adrien Rabiot te pawh Juve-ah an kir leh tawh.

Season hmasa khan Ronaldo awmna Juve hian hun rei tak chhung Serie A nomawi an kawl tawh chu Inter Milan lakah an hloh. Beisei an phak lo a ni satliah lo a, season tawp dawnah Champions League khel turin an inpet tling hram.

Nipui bazar lai a ni a, manager thar Massi-miliano Allegri enkawl team-ah hian Ronaldo a awm chhunzawm zel dawn em tih zawhna a tam. Hetih lai hian Italian manager hian Ronaldo leh Paulo Dybala te chhawr dun a tum thu a lo sawi tawh a ni.