Neymar leh Barca an inrem

Barcelona chuan an player chhuak ta Neymar nen court-a buaina an neih chu court pawn lamah an chinfel thu an sawi a, Catalan club lian chuan, "Pawl pahnih inkara buaina awm chu kan chingfel ta a ni," an ti.

Kum 29 mi Neymar hian kum 2017 khan Barca a chhuahsan a, khawvela player man to ber ni turin Paris St-Germain chu pound maktaduai 200-in a zawm.

Neymar hian Barca nena contract an neih sa angin, chhuak mah se 'rinawm man' pound maktaduai 37.2 hmuh tur a la neih thu a sawi a, hei hi Barca chuan an pe duh lo niin a sawi.

Mahse, Barca zawk hi court lamah kalin, Neymar chu kum 2016-a contract thar a ziaha, rinawm man atana a lak pound maktaduai riat chu pe kir turin an khing.

Nikum June khan Spanish court lam chuan Barca hi thiam chantirin, Neymar chu Catalan club hnena pound maktaduai 6.1 pe turin an ti a, mahse, khaw-thlang media-te chuan Neymar chuan hei hi a khinglet niin an sawi.

Mahse, Barcelona-in presi-dent thar Joan Laporta hnuaiah insiamṭhat hna an thawk mek a, Neymar nena an thubuai pawh court inrawlh chhunzawm ngai loin an chingfel ta.