Krunal Pandya a positive

Nizana Sri Lanka leh India ten T20 match an khelh tur chu Indian all rounder Krunal Pandya-a'n Covid-19 a kai avangin sawn a ni. Krunal Pandya bul hnaia awm India player pariatte khung hran an ni a, Prithvi Shaw leh Suryakumar Yadav te pawh an tel.

T20 match hi vawi thum neih tur a ni a, July 25 khan match hmasa ber khelh niin Men in Blue hi 38 run-in an chak. India leh Sri Lanka te inkhelh tur hi ṭhulh a la ni lo a, player dang zawng hi Covid-19 test-ah an negative a nih chuan vawiin hian Premadasa Stadium-ah match hnihna hi khelh a ni ang.

Sri Lanka zin zinga mi Prithvi Shaw leh Suryakumar Yadav te hi Shubman Gill leh Washington Sundar te inhliam avangin India leh England ten Test match an khelh tur atan koh an ni a. Hetia Krunal Pandya a postive takah chuan an hmalam hun a chiang ta lo.