Slovenia chakna Doncic

Olympic match khata point hmu tam pahnihna

Luka Doncic chuan Thawhṭanni zan khan Slovenia tan point 48 a nei a, an ram hi Argentina lakah 118-100 in hnehna a chanpui. An ram a chakpui bakah hian Olympic match khata mimal point nei hnem pahnihna a ni.
Australia tlangval Eddie Palubinskas chuan Montreal 1976 khan match khatah point 48 a lo nei tawh, a record hi Doncic-a'n a nih rual chiah. Match khata point 55 neitu Famer Oscar Schmidt (1988) erawh an la phak lo.

Slovenia hian South American ram lakah hian inkhel an thunun viau, NBA regular season duhawm hmangtu Doncic awmna ram hi quarter paliah an chungnung zawk vek, harsa vak loin hnehna an chang thei. Group C-ah Slovenia hi Argentina, Spain leh inelna thlengtu Japan te nen an awm khawm. An inkhelh kual vek hnuah a sang pahnihin quarterfinal an lut ang.