Japan an la him lo

Olympic thlengtu Japan-in South Korea leh Mexico an hneh tawh chungin quarterfinal an la lut lo a, vawiin tlai dar 5:00-a France an hneh lo a nih phei chuan tla thei an la ni. Group A inkhel dangah South Africa leh Mexico te an inkhel dawn a, quarterfnal an la lut thei ve ve bawk.

Japan tan Takefusa Kubo a che ṭha a, Real Madrid winger hian match hnih khelh tawhah goal a la khung ve ve. Kum 20 mi Kubo hi Samurai Blue tan player pawimawh a ni a, Les Bleus lakah pawh a chet ṭhat leh a ṭul ang.

Inelna thlengtu Japan hi tlak theih dan awm mah se tla tur chuan an vanduai ve viau a ngai thung. Olympic-ah hian head to head aia goal difference a pawimawh zawk avangin Samurai Blue hi goal khata an chak lo a nih pawhin Les Bleus aiin an la sang zawk dawn. Inkhel pakhat zawkah South Africa leh Mexico te an inhnehtawk a nih phei chuan chiang takin chak lo pawh ni se knockout stage an lut tho ang.

Chutihrualin Olym-pic-ah hian France tan veteran striker André-Pierre Gignac a che ṭha a, kum 35 mi Gignac hian goal li khung tawhin top scorer a ni mek. Japan lakah pawh Gignac hi Les Blues innghahna tur a ni ang.