UEFA-in Trabzonspor an hrem

Turkish club Trabzonspor chu player lakluh leh sum hman dan chungchangah 'Financial Fair Play' an bawhchhiat avangin hrem an ni a, European football an khel thei rih lo ang.

UEFA-in a tarlan dan chuan Super Lig hmahruaitu hian 2016 khan dan an bawhchhia, hrem an nihna hi season thar atan a ni dawn. Season tharah European football an khel phak lo a nih chuan 2021-22 season atan a ni ang, a hnu lamah erawh hremna hi kaltlang pui tur a ni lo.

FFP hi 2011-a an duan kha a ni, club-in an duh ang anga player lei nan sum uchuak taka an hman tur venna a ni a, club inkhairual lo lutuk tur venna pakhat a ni tel bawk.

AC Milan leh Manchester City te chu dan an bawhchhiat vanga hrem tawk an ni vek bawk, club pahnih hian Court of Arbitration for Sport lakah an dikna chanvo ang hmuh tumin khinglet mah se an thubuai hi ngaihtuah theih a la ni rih lo.