Hamilton kawppui tur a chiang lo?

Khawvela car intlansiakna sang leh ngaihhlut ber Formula 1 chu March thla tawp aṭangin tlan ṭan a ni leh tawh dawn a, champion lai Lewis Hamilton-a'n Mercedes car a khalh leh dawn, Britain driver kawppui tur chu Valtteri Bottas a ni.

Mercedes hian season hmasa khan Bottas hi an lalut a, mahse Fin­nish driver chungah thu thang a tam a, tun season bak an chhawr zui tawh lo a nih pawhin a mak lo ang. Formula 1 team champion lai Mer­cedes hi Red Bull driver Daniel Ricciardo nen boruak a awm ṭan der tawh.

Ricciardo hian season khat daih bak contract a nei tawh lo, a pawt sei lo a nih chuan a duh lam a hawi thei dawn. Australian driver hian season an hman zawh leh hma chuan a hma hun a sawi lawk duh rih lo a, hei vang hian team thar a nei dawn ni pawhin a rin theih bawk.

Australian Formula 1 driver chawl tawh Mark Webber chuan, "Season tharah hian Hamilton tan Ricciardo hi elpui hautak tak a ni dawn a, nomawi inchuh turte zinga mi an nih ngei pawh ka ring. Chutihrualin nakin zelah chuan team khatah an awm dun lo ang tih pawh sawi lawk theih a ni lo," tiin a sawi.

Kumin Formula 1 hi a season 71-na tur chiah a ni a, intlansiak 20 a awm dawn. Grand Prix hmasa ber atan match 26 hian Melbourne Grand Prix Circuit, Melbourne-ah Australian Grand Prix an tlan dawn a ni.