Bayern-ah Vidal a nghet

Tun hnaia club dang nena sawi zawm fo Chilean international Arturo Vidal chuan Ba­yern Munich chhuah­san tumna a neih loh thu a sawi chiang ta.

Juventus midfielder hlui Vidal hian kum 2019 thleng daih contract a nei mek a, mahse tun hnaiah Premier League champion Chelsea nen sawizawm a ni fo. Allianz Arena-ah a nghet lo nia sawi a nih avangin European club lian pawhin an ngaihven hle.

Rei tak a ngawih hnu­ah Vidal chuan a hma hun sawiiin, "Chhuah tumna ka nei lo, he hmun hi nuam ka tiin hun rei zawk cham tur pawhin ka inbuatsaih, ka fate pawh he hmunah hian an hlim a ni," tiin a sawi.

Kum 30 mi Vidal hian tun season Bundesliga match 18 a khelh aṭangin goal ruk a khung tawh a, Carlo Ancelotti hnuaia beisei phak lo Vidal hian German manager Jupp Heynckes kaihhruaina hnuiah hmun pawimawh a chang chho mek.