Spurs-in positive pakhat kawl

Tottenham Hotspur chuan Premier League buatsaih Covid-19 test hnuhnung bera positive awmchhun chu an club a mi a nih thu an puang. Coronavirus positive hi dan angin ni sarih chhung khung hran a ni ang.

Spurs chuan, “Medical lam thuruk a nih avangin Covid-19 test positive hming puan zar a ni lo ang,” tiin thuchhuah an siam a. June 1-2 chhung khan mi 1197 test a ni a, Spurs club aṭang chauhin positive an awm.

Premier League hian Covid-19 test hi round nga a kalpui tawh a, hetah hian mi 5,079 test tawh niin mi 12 an positive. Inelna hi June 17-ah ṭan tum a ni a, Premier League player leh staff-te hi kar khatah vawi hnih endik ṭhin an ni.