Covid-19 hlauh vangin Windies player pathum zin dawn lo

England leh West Indies chuan July thla hian England-ah match thum awmna Test match an khel dawn. Windies player pathum chu Covid-19 hluah vangin an zin dawn lo.

Batsman pahnih Shimron Hetmyer leh Darren Bravo bakah all-rounder Keemo Paul te an zin ngam lo. Cricket West Indies (CWI) chuan Hetmyer, Bravo leh Paul te hi zin lo mah se an hmalam hunah nghawng a neih loh tur thu an sawi.

First Test hi July 8-12 inkar hian Hampshire’s Ageas Bowl ground-ah khelh a ni ang a, second leh third Test hi Old Trafford, Manchester-ah July 16-20 leh July 24-28 hian khelh tum a ni.

Cricket West Indies chuan tunkar hian player-te hi Covid-19 test neih an tum thu an puang a, June 8 hian an pual bika thlawhtheihnain United Kingdom an pan ang. 

CWI hian player 14 an koh bakah training-naa tel tur leh a ṭul thuta thlak thei turin player 11 an ko tel bawk. Windies player leh staff-te hian coronavirus vanga CWI harsatna puih nan an hlawh 50% in an tihniam.

Player 14 awmna squad: Jason Holder (captain), Jermaine Blackwood, Nkrumah Bonner, Kraigg Brathwaite, Shamarh Brooks, John Campbell, Roston Chase, Rahkeem Cornwall, Shane Dowrich, Chemar Holder, Shai Hope, Alzarri Joseph, Raymon Reifer, Kemar Roach

Reserve players: Sunil Ambris, Joshua da Silva, Shannon Gabriel, Keon Harding, Kyle Mayers, Preston McSween, Marquino Mindley, Shane Moseley, Anderson Phillip, Oshane Thomas, Jomel Warrican.