Bengaluru FC-ah Thuama a let

Nimin khan Bengaluru FC-in goalkeeper Lalthuammawia Ralte leh defender Pratik Chaudhari an lakluh thu an puang. Champhai tlangval Thuama hian kum hnih daih contract a ziak.

Shillong Lajong keeper hlui Thuama hian 2014-2018 chhung khan Bengaluru FC tan a khel tawh a, kum 2018 khan FC Goa-ah kalin Kerala Blasters leh East Bengal-ah loan-in a kal.

Thuama chuan, “Bengaluru FC-ah hlawhtlinna tam tak ka lo chang tawh a, he club hi ka hrechiang a, anni pawhin tu nge ka nih min hria a, let tura thutlukna siam hi a har lo,” tiin Vanglaini a hrilh a, Bengaluru FC kalphung a mumal thu a sawi tel bawk

Season liam ta khan East Bengal-ah Thuama hi khelin I League leh Calcutta Football League-ah pahnihna an ni ve ve. Thuama ruala BFC zawmtu Pratik Chaudhari hi season liam ta khan Mumbai City FC tana khel a ni.

Bengaluru FC hian foreigner pathum Juanan Gonzalez, Erik Paartalu leh Dimas Delgado bakah hmabak nei êng Edmund Lalrindika, Leon Augustine, Parag Shrivas,  Ajay Chhetri, Naorem Roshan Singh leh Namgyal Bhutia ten contract an pawtsei bawk.